Idman.biz
Voleybol üzrə Çelenc Kubokunun 1/16 final mərhələsinin ilk oyununda Belçikanın "Lindemans" klubuna 0:3 hesabı ilə gözlənilməz məğlubiyyətdən sonra "Xilasedici"nin cavab görüşünə hazırlığı necə gedir? Komandamızın növbəti mərhələyə keçmək şansı varmı?
Bu barədə fikirləri öyrənmək üçün İdman.Biz komandanın baş məşqçisi Cəlil Cəlilova müraciət edib.
"Bu məğlubiyyət bizim üçün həm çox gözlənilməz, həm də çox ağır oldu. Heç kəs belə nəticə gözləmirdi. Fikrimcə, uşaqlar ilk setdəki məğlubiyyətdən sonra psixoloji olaraq sındılar. İndi bütün diqqətimiz 7 yanvarda Belçikada keçiriləcək cavab oyunundadır. Belə bir nəticədən sonra istirahət və ya Yeni il tətilindən söhbət gedə bilməz! Komandaya yalnız 1 yanvar tarixi istirahət veriləcək, digər bütün günlər – o cümlədən 31 dekabr – məşqdir. Problemi özümüz yaratmışıq və onu həll etməyə, Belçikada qalib gəlib növbəti mərhələyə yüksəlməyə borcluyuq", – deyə C. Cəlilov bildirib.
Vüqar Vüqarlı
