Azərbaycanlı hakimlər Zöhrab Gözəlbəyli və Fuad Ağayevə CEV Kubokunda təyinatlar verilib

Avropa Voleybol Konfederasiyası (CEV) tərəfindən daha bir azərbaycanlı mütəxəssisə təyinat verilib.

İdman.Biz xəbər verir ki, bu barədə Azərbaycan Voleybol Federasiyası (AVF) məlumat yayıb.

Bildirilib ki, beynəlxalq dərəcəli hakim Fuad Ağayev mütəxəssis qadın voleybolçuların CEV Kubokunda PAOK (Yunanıstan) - "OTP Banka Branik" (Sloveniya) matçının baş hakimi olacaq. Bu görüşdə ikinci hakim kimi isə polşalı Pyotr Krol yer alacaq.

Qeyd edək ki, oyun dekabrın 3-də Yunanıstanda keçiriləcək.

Xatırladaq ki, daha əvvəl AVF-nin Kommunikasiya şöbəsinin rəhbəri Zöhrab Gözəlbəyli CEV Kubokunun 1/16 final mərhələsində Türkiyənin "Qalatasaray" və Portuqaliyanın "Portu" matçında supervayzer kimi təyinat alıb.

10:20

Azərbaycan Voleybol Federasiyasının (AVF) Kommunikasiya şöbəsinin rəhbəri Zöhrab Gözəlbəyli beynəlxalq yarışa supervayzer kimi təyinat alıb.

İdman.Biz xəbər verir ki, bu barədə Azərbaycan Voleybol Federasiyası (AVF) məlumat yayıb.

Z.Gözəlbəyli qadın voleybolçular arasında CEV Kubokunun 1/16 final mərhələsində Türkiyənin "Qalatasaray" və Portuqaliyanın "Portu" komandaları arasında keçiriləcək oyunda hakimlərin fəaliyyətinə nəzarət edəcək.

Dekabrın 3-də İstanbulda reallaşacaq qarşılaşmanın hakimləri italiyalı Mauro Karlo Qoitre və finlandiyalı Marko Oravaynen olacaq.

İdman.Biz