Idman.biz
Beynəlxalq Şahmat Federasiyası (FİDE) 14-cü dünya çempionu Vladimir Kramnikin amerikalı şahmatçı Daniel Naroditski haqqında verdiyi şərhlərə görə FİDE Etika və İntizam Komissiyasına şikayət ərizəsi təqdim edib.
İdman.Biz xəbər verir ki, 29 yaşlı Naroditski bu ilin oktyabr ayında vəfat edib. Ölümünün rəsmi səbəbi göstərilməyib.
Kramnik əvvəllər amerikalı şahmatçını fırıldaqçılıqda şübhəli bilib və ölümündən sonra sosial mediada yazıb: "Mən Daninin həyəcan verici problemləri barədə qışqırdım və onun "dostları" bunu yalnız ört-basdır etməyə çalışdılar".
Komissiya həmçinin çex şahmatçısı David Navaranın ifadələrini də nəzərdən keçirəcək. Navara əvvəllər Kramnikin fırıldaqçılıqla bağlı paylaşımlarına görə ağır depressiyadan əziyyət çəkdiyini və intihar etməyi düşündüyünü etiraf etmişdi.
"Apellyasiya şahmat ictimaiyyətində Kramnikin qrossmeysterlər Daniel Naroditski və David Navaraya qarşı dəfələrlə ictimai ittihamları ilə bağlı narahatlıqlardan irəli gəlib.
Şikayətdə Kramnikin təxminən iki il ərzindəki davranışı təsvir olunur və FİDE-nin təqib və şəxsiyyətin böhtan atılması ilə bağlı mümkün pozuntularla əlaqəli hesab etdiyi bir neçə ictimai bəyanat və materiala istinad edilir.
Şikayətdə həmçinin David Navara və Daniel Naroditskiyə yaxın şəxslərin ifadələri də yer alır. Bu məsələlər indi Etika Komissiyasının müəyyən edilmiş prosedurlarına uyğun olaraq araşdırılacaq", - deyə FİDE-nin saytında dərc olunmuş bəyanatda bildirilir.
Kramnikə qarşı mümkün sanksiyalar daha sonra açıqlanacaq.
