Idman.biz
Bu gün Azərbaycanın qadın şahmat millisi İspaniyanın Linares şəhərində keçirilən dünya çempionatında növbəti oyunlarına çıxacaq.
İdman.Biz xəbər verir ki, yığma III turda ABŞ, IV turda FIDE komandası ilə qarşılaşacaq.
A qrupunda FIDE kollektivi 4 xalla liderdir. Azərbaycan, Qazaxıstan, İspaniya və ABŞ-nin 2 xalı var. Peru isə xalsızdır.
Xatırladaq ki, Azərbaycan millisi ötən gün Perunu məğlub edib (3:1), Qazaxıstana isə uduzub - 1,5:2.5.
Millinin heyətində Ülviyyə Fətəliyeva, Gövhər Beydullayeva, Xanım Balacayeva, Gülnar Məmmədova və Ayan Allahverdiyeva yer alıb. Komandanın kapitanı İlahə Qədimovadır.
Qeyd edək ki, dünya çempionatı noyabrın 23-də başa çatacaq.
