Idman.biz
"Şəmkir Olimpiya Kompleksində baş verən oğurluq hadisəsi ilə bağlı Daxili İşlər Nazirliyinə (DİN) və Azərbaycanın Gənclər və İdman Nazirliyinə məlumat vermişik".
Bu sözləri İdman.Biz-ə açıqlamasında Şəmkir Olimpiya Kompleksinin direktoru Mahir Şirinov deyib.
O, faktla bağlı aidiyyəti qurumlar tərəfindən araşdırma aparıldığını bildirib:
"Hazırda kompleksi qarət edən şəxslərin müəyyən edilərək tapılması istiqamətində tədbirlər görülür. Stadionun işıqlandırma sistemi ilə bağlı yaranmış problem isə artıq aradan qaldırılıb".
Vüqar Vüqarlı
12:20
Şəmkir Olimpiya Kompleksinin stadionunda oğurluq hadisəsinin baş verdiyi iddia olunub.
İdman.Biz sportinfo.az-a istinadən xəbər verir ki, arenadan böyük miqdarda elektrik naqilləri oğurlandığı bildirilib.
İddialara görə, gecə saatlarında yaşanan hadisə "Şəmkir"in ev oyunlarını keçirdiyi məkanın işıqlandırma sistemini yararsız hala salıb. Çünki stadionda quraşdırılmış projektorların kabelləri də oradan daşınıb.
Qeyd edilib ki, qarətçilər "iş" görən zaman futbolçular kompleksin ərazisindəki katejlərdə olsalar da, heç kim onların üzünü görməyib. Hadisədən bir qədər öncə ərazinin işıqları söndüyündən, oyunçular qaldıqları yerdən bayıra çıxmayıblar.
