Idman.biz
1998-ci ildə Naqano Olimpiadasında nəhəng slalom üzrə bürünc medal qazanan isveçrəli snoubordçu Ueli Kestenhols İsveçrənin Vale kantonundakı Letçental vadisində baş verən qar uçqunu nəticəsində ölüb.
İdman.Biz bu barədə "L'Equipe" qəzetinə istinadən bildirir.
Kestenhols təxminən 2400 metr hündürlükdə baş verən qar uçqunu zamanı başqa bir idmançı ilə birlikdə dağlarda olub. Snoubordçu helikopterlə Visp şəhərinə, daha sonra isə Syona aparılıb. Orada həkimlər onun öldüyünü bildiriblər.
1998-ci ildə Naqano Olimpiadasında qazandığı bürünc medalla yanaşı, Kestenhols həmçinin 2002-ci ildə Solt Leyk Siti və 2006-cı ildə Turin Oyunlarında snoubord krossunda da iştirak edib. O, iki dünya çempionatını (2000 və 2001) və borterkross üzrə "Winter X Games"i (2003 və 2004) qazanıb. İsveçrəli idmançı peşəkar xizək idmanında 2006-cı ildə karyerasını bitirib.
Ueli Kestenhols 50 yaşında idi.
