Report.az
Azərbaycan badmintonçusu Leyla Camalzadə III MDB Oyunlarının finalında qızıl medal qazana bilmədiyi üçün təəssüflənib.
"Report"un Qəbələyə ezam olunmuş əməkdaşının məlumatına görə, idmançı bunu jurnalistlərə açıqlamasında deyib.
O, zədəsinin də nəticəyə təsir etdiyini söyləyib:
"III MDB Oyunlarında gümüş medala sahib çıxdım. Qızıl medal qazana bilmədiyim üçün təəssüflənirəm. Finala çıxmaq özü də böyük bir şeydir. Qızıl medal qazanmağa yaxın idim. Texniki səhvlərə yol verdim, həmçinin fizik durumda çatışmazlıq var idi. 1/4 finalda zədələnmişdim. Bunun da təsiri oldu. Rusiyalı rəqibim çox güclü olsa da ondan geri qalmırdım. Təəssüf ki, məğlub oldum. İnşallah növbəti dəfə daha yüksək nailiyyət əldə edərəm.
III MDB Oyunları Leyla Camalzadə badminton
