Idman.biz
Britaniyalı kanoeçi Kurts Adams Rozentals sosial mediada intim video paylaşdığına görə iki il müddətinə diskvalifikasiya edilib.
Bu barədə İdman.Biz "The Telegraph"a istinadən xəbər verir.
Mart ayında idmançı təyyarədə intim əlaqədə olduğunu göstərən video paylaşıb. Video daha sonra silinib, lakin Britaniya Avarçəkmə Federasiyası Rozentalsı idmançı davranış qaydalarını və Britaniya komandasının üzvləri tərəfindən imzalanan müqaviləni pozmaqda günahlandırıb.
BBC-yə verdiyi müsahibədə kanoeçi etiraf edib ki, videonu OnlyFans səhifəsinə abunəçiləri cəlb etmək və 2028 və 2032-ci il Olimpiya Oyunlarında iştirakı üçün vəsait toplamaq məqsədilə qəsdən paylaşıb.
Rozentals hesab edir ki, onun videosu qanunsuz deyil və qadağa üçün əsas olmamalıdır. O, iddia edir ki, Böyük Britaniyadakı idmançılar lazımi maliyyələşdirmə alsaydılar, bütün bunlar baş verməzdi.
