Idman.biz
Səudiyyə Ərəbistanının paytaxtı Ər-Riyadda VI İslam Həmrəyliyi Oyunları davam edir.
İdman.Biz bildirir ki, Azərbaycan karateçisi İrina Zaretska oyunların finalında türkiyəli idmançı Eda Eltemur ilə qarşılaşıb.
Qarşılaşma 5:3 hesabı ilə Zaretskanın qələbəsi ilə bitib. Beləliklə, Zaretska İslamiadanın qalibi olub.
Bu, Azərbaycan karateçilərinin VI İslam Oyunlarında 5-ci qızıl medalıdır.
İrina Zaretska üçüncü dəfə İslam Oyunlarının qalibi adını qazanır. O, daha əvvəl 2017-ci ildə Bakıda və 2021-ci ildə Konyada çempion olub.
14:02
Azərbaycan karateçisi İrina Zaretska Səudiyyə Ərəbistanının paytaxtı Ər-Riyada keçirilən VI İslam Həmrəyliyi Oyunlarının finalına vəsiqə qazanıb.
İdman.Biz xəbər verir ki, idmançı 68 kq çəki kateqoriyasında həlledici görüşdə iştirak etmək hüququ qazanıb.
İrina Zaretska yarımfinalda Ekvatorial Qvineyadan olan rəqibi Anne Coralie Keitanı 6:3 hesabı ilə məğlub edib. Finalda isə o, Türkiyədən Eda Eltemurla qarşılaşacaq.
Qeyd edək ki, İslamiada noyabrın 21-də başa çatacaq.
