Idman.biz
"İslamiadanın üçqat qalibi olduğum üçün xoşbəxtəm. Bu, tək mənim yox, bütün komandanın uğurudur".
İdman.Biz xəbər verir ki, bu sözləri Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında medal qazanan Azərbaycan karateçisi İrina Zaretska (68 kiloqram) jurnalistlərə açıqlamasında deyib.
İrina Zaretska üçüncü dəfə İslam Oyunlarının qalibi adını qazanıb. O, daha əvvəl 2017-ci ildə Bakıda və 2021-ci ildə Konyada çempion olub.
O, İslamiadada tarix yazdığını bildirib: "Müəyyən fasilədən sonra bu yarışda qalib gəlmək vacib idi. Bu, gələcək yarışlar üçün mənə stimul verəcək. Yarış hələ bitməyib. Komanda yoldaşlarıma uğurlar arzu edirəm".
