Idman.biz
Belarus və Rusiya təmsilçiləri III MDB Oyunlarında üzgüçülükdə medal qazanıblar.
"Report"un Gəncəyə ezam olunan əməkdaşının məlumatına görə, kişilər arasında 50 metr məsafəyə bras üsulu ilə üzməkdə Belarus təmsilçisi Vsevolod Sarakavik birinci olub. Rusiyalı Kirill Veremçuk ikinci, özbəkistanlı Muhammadismail Rahmonov isə üçüncü yeri tutub.
Qadınların mübarizəsində 100 metr məsafəyə bras üsulu ilə üzməkdə isə qalib rusiyalı Maya Yakovleva olub. Belarusdan Valeriya Şilko gümüş, Bajena Pivaş isə bürünc mükafat qazanıblar.
10:24
Rusiyanın daha bir təmsilçisi Azərbaycanda keçirilən III MDB Oyunlarında qızıl medal qazanıb.
"Report"un Gəncəyə ezam olunmuş əməkdaşının məlumatına görə, Dmitri Kravtsov 100 metr məsafəyə arxasıüstə üzmə yarışında birinci olub.
Belarusdan olan Nikita Apanasik və Kiril Bantseviç müvafiq olaraq 2-ci və 3-cü yerləri tutublar.
Qeyd edək ki, III MDB Oyunları oktyabrın 8-də başa çatacaq.
10:19
Azərbaycanda təşkil olunan III MDB Oyunlarında növbəti medalçılar bəlli olub.
"Report" xəbər verir ki, 400 metr məsafəyə sərbəst üzmə yarışında mükafatçılar müəyyənləşib.
Rusiyalı Valeria Brazniçenko birinci, onun həmyerlisi Anastasiya Çernşova ikinci, Belarusdan olan Kseniya Mastoviç üçüncü yeri tutub.
Azərbaycan təmsilçilərindən Anastassiya Qnussina beşinci, Məryəm Cavadova altıncı yerlə kifayətlənib.
