top
Dakar-2026 Yeniyetmələrin IV Yay Olimpiya Oyunları Afrika qitəsində ilk dəfə açıldı Idman.biz
01 noyabr 2026, 10:54
- ↺ +

Dakar-2026 Yeniyetmələrin IV Yay Olimpiya Oyunları Afrika qitəsində ilk dəfə açıldı

Oktyabrın 31-də Seneqalın paytaxtı Dakarda Yeniyetmələrin Dördüncü Yay Olimpiya Oyunlarının açılış mərasimi keçirilib.

Afrika qitəsində ilk dəfə təşkil olunan Oyunların açılış mərasiminə Abdulaye Vade stadionu ev sahibliyi edib.

Açılış proqramına əsasən, Afrikanın zəngin yerli mədəniyyətini, Seneqalın tarixi və adət-ənənələrini nümayiş etdirən xüsusi səhnələr canlandırılıb. Yerli etnoqrafik motivləri əks etdirən genişmiqyaslı açılış şousu tamaşaçılar tərəfindən böyük maraqla qarşılanıb. Rəsmi hissədə hərbçilərin iştirakı ilə Seneqalın dövlət bayrağı stadiona gətirilib. Açılış mərasimində əsas məqamlarından biri atletlərin paradı olub. Olimpiya ənənəsinə əsasən, ilk olaraq Yunanıstan komandası paraddan birinci keçib. Daha sonra digər ölkələrin nümayəndə heyətləri ilə birgə Azərbaycan yığma komandası da paraddan keçib. Gender bərabərliyinə görə üçrəngli bayrağımızı üzgüçülərimiz - Üçüncü MDB Oyunlarının qalibi və Altıncı İslam Həmrəyliyi Oyunlarının bürünc mükafatçısı Süleyman İsmayılzadə ilə Altıncı İslam Həmrəyliyi Oyunlarının bürünc medalçısı Məryəm Cavadova daşıyıb.

Dakar-2026 Yeniyetmələrin IV Yay Olimpiya Oyunlarının Təşkilat Komitəsinin prezidenti Mamadou Diaqna Ndiaye açılış mərasimində çıxış edərək bu mötəbər idman tədbirinin ilk dəfə Afrika qitəsində təşkil olunmasının tarixi əhəmiyyətini vurğulayıb.

O, çıxışında Oyunların reallaşmasında əməyi olan Seneqal rəhbərliyinə, Beynəlxalq Olimpiya Komitəsinə və Təşkilat Komitəsinin üzvlərinə təşəkkürünü bildirib. Qeyd edib ki, uzun və çətin hazırlıq prosesindən sonra Dakar dünyanın müxtəlif ölkələrindən gələn gənc idmançıları qəbul etməkdən qürur duyur.

Mamadou Diaqna Ndiaye Olimpiya məşəlinin Seneqalın 14 regionunu əhatə edən səyahətinin xalqı bir araya gətirdiyini, Oyunların isə təkcə idman yarışları deyil, həm də dostluq, birlik, qarşılıqlı hörmət və mədəniyyətlərarası dialoq platforması olduğunu diqqətə çatdırıb.

Təşkilat Komitəsinin prezidenti gənc idmançılara müraciətində onları rəqabətlə yanaşı, dostluğa və qarşılıqlı dəstəyə də önəm verməyə çağırıb. O vurğulayıb ki, Dakar-2026-nın əsas məqsədi medallar və rekordlarla yanaşı, gənclər arasında birlik və həmrəylik ruhunu gücləndirməkdir.

O, həmçinin Oyunların Seneqal üçün davamlı irs formalaşdıracağını, yarışlar üçün yaradılan idman infrastrukturunun gələcəkdə də yerli əhaliyə xidmət edəcəyini bildirib.

Beynəlxalq Olimpiya Komitəsinin (BOK) prezidenti Kirsti Koventri açılış mərasimində çıxış edərək Dakar-2026 Yeniyetmələrin Yay Olimpiya Oyunlarının Afrika qitəsində təşkil olunmasını tarixi hadisə kimi qiymətləndirib.

BOK prezidenti bu məqamın təkcə Seneqal və Afrika üçün deyil, bütövlükdə Olimpiya Hərəkatı üçün böyük əhəmiyyət daşıdığını bildirib. O, Oyunların yüksək səviyyədə təşkili və idmançılara göstərilən qonaqpərvərliyə görə Seneqal rəhbərliyinə, Təşkilat Komitəsinə, könüllülərə və Seneqal əhalisinə təşəkkürünü çatdırıb.

Kirsti Koventri qeyd edib ki, Dakar-2026-nın əsas xüsusiyyətlərindən biri gənclərin təşkilati prosesin mərkəzində dayanmasıdır. Onun sözlərinə görə, təkcə gənc idmançılar deyil, Seneqalın gəncləri də öz ideyaları, yaradıcılıqları və fəallıqları ilə bu Oyunların ərsəyə gəlməsinə töhfə veriblər. O, bunu "gənclər üçün, gənclərin təşkil etdiyi Oyunlar" kimi səciyyələndirib.

BOK prezidenti gənc idmançılara müraciətində onları cəsarətli olmağa, yeni dostlar qazanmağa, müxtəlif ölkələrin nümayəndələri ilə ünsiyyət qurmağa və yarışlardan zövq almağa çağırıb. O bildirib ki, idman insana özünə inam qazandırır, böyük arzular qurmağa və yeni imkanlar əldə etməyə şərait yaradır.

Kirsti Koventri çıxışının sonunda bütün iştirakçıları Dakar-2026-nın hər anını dəyərləndirməyə çağırıb.

Sonra Seneqal Respublikasının Prezidenti Bassiru Diomay Fayeni Oyunları açıq elan edib.

Təntənəli açılış zamanı müxtəlif rəqs elementləri və kompozisiyalar nümayiş olunub. Sonra Olimpiya bayrağı arenaya gətirilib və məşəl alovlandırılıb.

Noyabrın 13-dək davam edəcək mötəbər yarışda dünyanın müxtəlif ölkələrindən olan istedadlı yeniyetmə idmançılar 25 idman növü üzrə qüvvələrini sınayacaqlar. Afrika qitəsində ilk dəfə təşkil olunan Olimpiya tədbirində Azərbaycan 8 idman növündə 13 idmançı ilə təmsil olunacaq. İdmançılarımız Dakar Olimpiadasında çimərlik güləşi, üzgüçülük, taekvondo, boks, qılıncoynatma, şosse velosipedi, cüdo və atletika idman növləri üzrə yarışlarda mübarizə aparacaqlar. Komandamızın heyətində çimərlik güləşi idman növündə dörd idmançımız - Günel Kərimli (55 kq), Elgün Kərimli (90 kq), Tunar Quliyev (70 kq) və Nihad Süleymanlı (80 kq), üzgüçülük yarışlarında Süleyman İsmayılzadə və Məryəm Cavadova, taekvondoda Zəhra İsayeva (44 kq) və Adil Kazımlı (73 kq), boksda Gülər Hüseynova (51 kq), qılıncoynatmada Abbas Hüseynov, şosse velosipedində Nihad Xudoyev, cüdoda İbrahim Talıbov (-55 kq), atletikada isə Daniil Şuvayev Azərbaycanı təmsil edəcəklər.

Təmsilçilərimizdən mübarizəyə ilk olaraq cüdoçumuz İbrahim Talıbov başlayacaq. -55 kq çəki dərəcəsində qüvvəsini sınayacaq yeniyetmə cüdoçumuz noyabrın 1-də 1/4 finalda İbrahim Mussa (Mərkəzi Afrika Respublikası) / Cahan Zib Tarin (Əfqanıstan) cütünün qalibi ilə üz-üzə gələcək.

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Son xəbərlər

Digər
Bu gün, 17:20

Mahir oynadı, komandası qalib gəldi

Futbol
Bu gün, 17:20

"Oyunçularımın bu məsələni müzakirə etdiyini görməmişəm"

Futbol
Bu gün, 17:17

“Məyus edən hal o oldu ki…” – Vernidub

Futbol
Bu gün, 17:09

Renat Dadaşovun liderliyində Bukovina 3:1-ə Veresə qarşı qalib gəldi

Qarabağ FK
Bu gün, 17:07

“Qarabağ Lökbatan” və “Kür-Araz”dan səfər qələbəsi

Futbol
Bu gün, 16:56

Vernidub: Qolları buraxmamalıyıq

Futbol
Bu gün, 16:49

Azərbaycan 2-ci liqası 12-ci turunun hakim təyinatları elan edildi

Futbol
Bu gün, 16:37

Nəriman Axundzadənin ehtiyatda qaldığı oyunda “Erzurumspor” məğlub oldu

Qarabağ FK
Bu gün, 16:30

Gəncədə anşlaq, “Qarabağ” üçün təhlükə - Vəziyyət daha da pisləşə bilər

Futbol
Bu gün, 16:24

Neftçi Araz‑Naxçıvanı məğlub edərək turnir cədvəlində lider oldu

Futbol
Bu gün, 16:22

PSJ-yə ağır zərbə: Dezire Due mövsümü erkən başa vurdu

Futbol
Bu gün, 16:05

Son çempion Sumqayıtda niyə laqeyd münasibət gördü? - VİDEO

Qarabağ FK
Bu gün, 15:50

“Kəpəz” – “Qarabağ”: START HEYƏTLƏR

Futbol
Bu gün, 15:48

Ronaldonun dünyada ən böyük heykəli ucaldıldı - Video

Futbol
Bu gün, 15:48

Çalhanoğlu uğrunda üç nəhəng klubun mübarizəsi, “İnter”də maaş problemi

Futbol
Bu gün, 15:40

"Araz-Naxçıvan" - "Neftçi" - CANLI YAYIM

Futbol
Bu gün, 15:40

Şahin Şahniyarov: Şəfaya qarşı 6 xallıq qələbə qazandığımızı deyə bilərəm, milli komandada daimi yer qazanmaq istəyirəm

Futbol
Bu gün, 15:30

PSJ "Bornmut"un hücumçusunu 95 milyon avroya ala bilər

Futbol
Bu gün, 15:28

Maktominey 2027-ci ildə Mançester Yunaytedə qayıda bilər

Digər
Bu gün, 15:15

17 yaşlı parataekvondoçumuzdan dünya çempionatında ilk qələbə

Futbol
Bu gün, 15:14

Dezire Due çarpaz bağları qoparaq PSJ-də ciddi itki yaşadı

Futbol
Bu gün, 15:07

Musiala Barcelona’ya keçə bilər? 25 milyonluq maaş müzakirəsi

Futbol
Bu gün, 15:00

Əli Qədimov: “Məqsədimiz ilk 6-lıqda yer almaqdır”

Futbol
Bu gün, 14:56

Poçettinodan köməkçilərinə ingilis dili tələbi

Oxşar xəbərlər