top
Əli Qədimov: “Məqsədimiz ilk 6-lıqda yer almaqdır” Sport24.az
Bu gün, 15:00
- ↺ +

Əli Qədimov: “Məqsədimiz ilk 6-lıqda yer almaqdır”

II Liqada mübarizə aparan Şəmkir PFK-nın vitse-prezidenti Əli Qədimov komandanın son oyunlardakı nəticələri, transfer planları və doğma stadiona qayıdış məsələsi ilə bağlı "Şəmkir 57" səhifəsinin suallarını cavablandırıb.

 

Sport24.az həmin müsahibəni təqdim edir:

 

– Əli bəy, baş məşqçi Fərid Məmmədov son açıqlamasında komandanın 50 faizinin meydanda olmadığını bildirib. Siz də məğlubiyyətlərin əsas səbəbini heyət itkilərində görürsünüz?

– Bəli, baş məşqçimiz Fərid Məmmədovun fikirləri ilə tamamilə razıyam. Hazırda komandamızın əsas 4-5 futbolçusu müxtəlif səbəblərdən meydanda ola bilmir. Bu da təbii ki, istədiyimiz nəticələrə təsir göstərir. Fərid müəllimin də qeyd etdiyi kimi, əsas oyunçularımızın yoxluğunda daha çox gənc futbolçulara şans veririk. Buna baxmayaraq, komandamız mübarizə aparır və heç bir rəqib üçün asan rəqib deyilik. Bizi məğlub etmək heç də asan deyil.

 

– Ardıcıl iki turdur komanda məhz əlavə olunmuş dəqiqələrdə qol buraxaraq xal itirir. Bunun səbəbi nədir?

– Məncə, bunun əsas səbəbi yenə də heyət problemimizlə bağlıdır. Əsas futbolçularımızın yoxluğu oyunun son dəqiqələrində özünü daha çox göstərir. Təəssüf ki, ehtiyat oyunçularımızın sayı və seçim imkanlarımız məhduddur. Oyunun gedişində dəyişiklik edərək komandaya əlavə güc vermək və ya hesabı qorumaq üçün istədiyimiz alternativlərə sahib deyilik. Buna görə də son dəqiqələrdə xal itkiləri ilə üzləşirik.

 

– Qış fasiləsində heyətə yeni futbolçular cəlb ediləcəkmi?

– Bəli, qış transfer pəncərəsində komandamızı 6-7 keyfiyyətli futbolçu ilə gücləndirməyi planlaşdırırıq. Artıq bir sıra futbolçularla danışıqlar aparılır. Qeyd edim ki, namizədlər arasında I Liqada çıxış etmiş və təcrübəsi olan oyunçular da var. Məqsədimiz ikinci dövrəyə daha güclü heyətlə başlamaq və komandamızın nəticələrini yaxşılaşdırmaqdır.

 

– Mövsümün əvvəlində qarşıya qoyulan hədəfdə hər hansı dəyişiklik varmı?

– Mövsümün əvvəlində büdcəmizi nəzərə alaraq əsas məqsədimiz liqanı ilk 6 pillədə başa vurmaq idi. 11 turdan sonra bu hədəfimizdə heç bir dəyişiklik yoxdur. Hələ də buna nail olmaq üçün şansımız var. İnanıram ki, qış fasiləsindən sonra daha güclü heyətlə ikinci dövrəyə başlayaraq qarşımıza qoyduğumuz məqsədə çatacağıq.

 

– Azarkeşləri ən çox maraqlandıran məsələ komandanın doğma Şəmkirdə oynamasıdır. Stadionla bağlı son vəziyyət necədir?

– Şəmkirdə oynamaq bizim də ən böyük arzularımızdan biridir. Lakin bunun üçün ilk növbədə stadionda müəyyən təmir və yenidənqurma işləri aparılmalıdır. Əsasən ot örtüyünün vəziyyəti yaxşılaşdırılmalı, paltardəyişmə otaqları lazımi vəziyyətə gətirilməlidir. Bu problemlər aradan qaldırılarsa, biz də doğma şəhərimizə qayıdaraq öz azarkeşlərimizin önündə oynamağa tam hazırıq. İnanırıq ki, bu məsələ tezliklə öz həllini tapacaq.

 

– Sonda 23 noyabr tarixində keçiriləcək "Şəmkir - Ağdaş" oyunu ərəfəsində şəmkirli azarkeşlərə nə demək istərdiniz?

– İlk növbədə qeyd etmək istəyirəm ki, hazırda ev oyunlarımızı Şirvan şəhərində keçiririk. Bu məsələdə bizə dəstək olan Şirvan Olimpiya İdman Kompleksinin rəhbərliyinə və Şirvan PFK-nın rəhbərliyinə təşəkkürümü bildirirəm. Şəmkirli azarkeşlərimizə isə demək istəyirəm ki, Şirvan Şəmkirdən o qədər də uzaq deyil. Bütün şəmkirliləri növbəti turda Ağdaşla oyunda tribunada komandamızın yanında görmək bizi çox sevindirər. Bu komanda hamımızındır və sizin dəstəyinizə ehtiyacımız var. İnanıram ki, birlikdə daha böyük uğurlara imza atacağıq!

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Son xəbərlər

Futbol
Bu gün, 14:47

Dünya çempionu canlı yayımda huşunu itirdi - VİDEO

Basketbol
Bu gün, 14:44

Azərbaycanın U-14 basketbol millisi Belqraddakı toplanışı başa vurdu: 1 qələbə, 2 məğlubiyyət

Voleybol
Bu gün, 14:40

Qadın voleybolçulardan ibarət "Turan"ın Çempionlar Liqasındakı ev oyunları Tovuzda keçiriləcək

Futbol
Bu gün, 14:38

“İstəyimizə nail ola bilmədik” – Emin Rüstəmov

Futbol
Bu gün, 14:30

“Barselona” “Sabah”la oyundan əvvəl son matçında çıxır

Digər
Bu gün, 14:30

Mahir Emrelinin komandası “Vidzev”i qəbul edəcək

Futbol
Bu gün, 14:19

“Mançester Yunayted”in kapitanı getməyə hazır olduğunu deyib

Futbol
Bu gün, 14:00

Rövlan Muradov: 'Neftçi' ilə döyüşüb-vuruşaraq xal qazanmağa çalışacağıq'

Futbol
Bu gün, 13:43

Mbappe “Real”ın futbolçularına əsəbiləşdi: “Düşünməyi dayandır!” - VİDEO

Futbol
Bu gün, 13:41

"Neftçi" Şamaxıda zirvəyə yüksələ bilər - Heyətlər

Basketbol
Bu gün, 13:36

Polina Şukinadan Sinqapurda uğur

Futbol
Bu gün, 13:35

Səbail

Futbol
Bu gün, 13:22

Araz‑Naxçıvan vs Neftçi mövqeyləri elan edildi

Futbol
Bu gün, 13:13

“Amedspor”un hücumçusu rəhbərlik barədə: “Azarkeşlərimizi axmaq yerinə qoymayın”

Futbol
Bu gün, 13:10

Chelsea son 5 oyunda dördüncü məğlubiyyəti aldı

Futbol
Bu gün, 13:04

9-cu dəfə Braziliya çempionu oldular.

Futbol
Bu gün, 13:02

Azərbaycanın U-20 futbol millisində antidopinq təlimi keçirilib - FOTO

Futbol
Bu gün, 13:00

Elçin Səmədli Çempionlar Liqasının oyununa təyinat aldı

Qarabağ FK
Bu gün, 13:00

“Qarabağ” son 2 görüşdə “Kəpəz”ə qonaq olduğu vaxtlarda xalsız ayrılıb: Gəncədə növbəti yoxlanış başlayır

Futbol
Bu gün, 12:32

Leandro Paredes Cənubi Amerika Kubokunun finalından sonra canlı yayımda huşunu itirdi

Futbol
Bu gün, 12:30

İtaliya nəhəngi qışda Vircil van Deyklə ilkin müqavilə bağlaya bilər

Qarabağ FK
Bu gün, 12:22

Bu günkü futbol matçları hansı kanallarda yayımlanır - TV AFİŞA

Futbol
Bu gün, 12:10

“Real Madrid”dən 4 mövsüm sonra uğurlu seriya

Oxşar xəbərlər