Idman.biz
Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında karate yarışları davam edir.
İdman.Biz xəbər verir ki, qadınların mübarizəsində 55 kq çəki dərəcəsində çıxış edən Azərbaycan təmsilçisi Madina Sadiqova yarımfinal mərhələsində Özbəkistan təmsilçisi Sevinç Rəhimova ilə qarşılaşıb.
O, gərgin keçən görüşdə 3:7 hesabı ilə məğlub olub.
Beləliklə, Madina Sadiqova finala yüksələ bilməsə də, bürünc medal uğrunda mübarizə aparmaq hüququ qazanıb.
Qeyd edək ki, VI İslam Həmrəyliyi Oyunlarında karate yarışları noyabrın 18-dək davam edəcək.
Vüqar Vüqarlı
