Idman.biz
1972-ci il Olimpiya çempionu, ağır atletika üzrə tanınmış idmançı Muxarbi Kirjinov 77 yaşında vəfat edib.
İdman.Biz xəbər verir ki, bu barədə Adıgey Respublikasının rəhbəri Murat Kumpilov özünün "Telegram" kanalında məlumat yayıb.
O bildirib ki, Kirjinov Adıgeydən Olimpiya qızıl medalını qazanan ilk idmançı olub və regionda, eləcə də bütün ölkədə idmanın inkişafına əvəzsiz töhfə verib.
Qeyd edək ki, Muxarbi Kirjinov 67,5 kiloqrama qədər çəki dərəcəsində çıxış edib. O, ikiqat dünya (1972, 1973) və Avropa (1973, 1974) çempionu olub, həmçinin dünya və SSRİ rekordlarını dəfələrlə yeniləyib.
