Idman.biz
Estoniyanın paytaxtı Tallinndə bədii gimnastika üzrə Avropa çempionatı davam edir.
İdman.biz xəbər verir ki, yarışın ikinci günündə gimnastlar fərdi çıxışlara başlayacaqlar.
Bu gün onlar iki növdə - halqa və top hərəkətlərində çıxış edəcəklər. Gimnastlar həm çoxnövçülükdə, həm də fərdi yarışlarda finala çıxmaq üçün mübarizə aparacaqlar.
Fərdi yarışda Azərbaycanı üç gimnast təmsil edəcək. Kamilla Seyidzadə hər iki növdə, Gövhər İbrahimova halqa, Zöhrə Cəfərova topla bacarıqlarını nümayiş etdirəcəklər.
İdman.biz
