Sport24.az
"Qələbə qazanmağı çox istəyirdik. Uzun müddətdir ki, qalib gəlmirdik". Sport24.az xəbər verir ki, bu sözləri Azərbaycan millisinin futbolçusu Musa Qurbanlə deyib.
Hücumçu "FIFA Series – 2026" beynəlxalq turnirində Sent Lüsiyanı məğlub etdikləri (6:1) oyun haqqında fikirlərini bölüşüb:
"Sevinirik. Milli komanda elədir ki, rəqibin kimliyindən asılı olmayaraq hər qalibiyyət vacibdir. Həm də bol qollu qələbə oldu. Bizim üçün çox vacib idi".
Qurbanlı komandanın qələbəsizlik seriyasına son qoyması barədə də danışıb:
"Qalib gəlməyi çox istəyirdik. Önəmli idi. Bu səbəbdən sevincliyik. Maraqlı və qollu oyun alındır. Rəsmi matçlar üçün bunlar lazım idi".
Görüşdə fərqlənən oyunçu həmişə daha yaxşı oynamağa çalışdığını söyləyib:
"Həmişə daha yaxşı oynamaq olar. Qol vurdum, amma daha yaxşı oynamaq olardı. Əsas komandaya fayda verməkdir".
O, növbəti matça da qələbə üçün çıxacaqlarını sözlərinə əlavə edib:
"Bunun üçün çalışacağıq. Qarşılaşmalar növbəti rəsmi oyunlar üçün vacibdir. Öz hazırlığımıza baxmalıyıq".
Qeyd edək ki, Azərbaycan millisi martın 30-da eyni Syerra Leone ilə üz-üzə gələcək.
