Idman.biz
Xizək yürüşü üzrə məşhur çoxgünlük turnir olan "Tur de Ski" tarixində ilk dəfə olaraq Fransa ərazisini də əhatə edəcək.
İdman.Biz xəbər verir ki, 2026/27 mövsümünün yarışları 31 dekabr 2026-cı ildən 10 yanvar 2027-ci ilədək Fransanın Le-Rus şəhərində, Almaniyanın Oberstdorf şəhərində və İtaliyanın Val-di-Fiemme bölgəsində keçiriləcək.
Son iki mövsümün çoxgünlük yarışları Toblah və Val-di-Fiemme (İtaliya) məkanlarında baş tutmuşdu. Daha əvvəl isə "Tur de Ski" müxtəlif illərdə İtaliya, Almaniya, İsveçrə və Çexiya ərazisində təşkil olunmuşdu.
Beləliklə, Fransa ilk dəfə olaraq bu prestijli turnirin rəsmi mərhələsinə ev sahibliyi etməklə "Tur de Ski" coğrafiyasına yeni ölkə əlavə etmiş olur.
