Lent.az
Super Liqa təmsilçisi "Trabzonspor" baş məşqçi Şenol Günəşlə yollarını ayırdığını açıqlayıb.
Lent.az Türkiyə KİV-nə istinadla bildirir ki, "Trabzonspor"un açıqlaması belədir:
"Mövsümün əvvəlində hörmətli Şenol Günəşlə təkcə baş məşqçi olaraq deyil, həm də onun təcrübələrindən yararlanaraq gələcəyin "Trabzonspor"unu qurmaq planları qurmuşduq.
Proqram çərçivəsində Günəşin obyektlər və investisiyalar üçün də cavabdeh olacağı yaxşı bir korporativ struktur yaratmaq məqsədi ilə başladıq.
Təəssüf ki, liqada istəmədiyimiz nəticələri əldə etdik. Və bu məqamda baş məşqçi postunda qan dəyişikliyinə ehtiyac ortaya çıxdı.
Biz dərhal yeni texniki direktor axtarışına başladıq. Biz bütün prosesi şəffaf şəkildə ictimaiyyətlə paylaşacağıq.
"Trabzonspor" ictimaiyyətinə və böyük azarkeşlərimizə hörmətlə elan olunur".
Fatih Tekke, Arda Turan, İqor Tudor, Şota Arveladze və Nuri Şahinin "Trabzonspor"un baş məşqci postuna namizədlər olduğu iddia edilib.
"Trabzonspor" 5-ci Şenol Günəş dövründə istədiyi nəticəni əldə edə bilməyib. Komanda Günəşin rəhbərliyi altında oynadığı 23 oyunda 8 qələbə, 6 heç-heçə və 9 məğlubiyyətlə 30 xal toplayıb.
