Idman.biz
Yeni il müxtəlif idman növlərində fərqli şəkildə başlayır: bəziləri dərhal yarışlara yollanır, digərləri hazırlıq prosesinə cəlb olunur, digərləri üçün isə sadəcə dəyişikliklər yaşanır.
İdman.Biz-ə Azərbaycan Triatlon Federasiyasında (ATF) vəziyyətin necə olduğu və ölkəmizdə beynəlxalq səviyyədə çıxış edə biləcək atletlərin olub-olmaması ilə bağlı federasiyanın baş katibi Seymur Hüseynova müraciət edib.
Federasiya rəsmisi vurğulayıb ki, bu il triatlonçularımız bir neçə beynəlxalq yarışda iştirak etməyi planlaşdırırlar.
"Yarış təqvimini yaxın günlərdə dəqiqləşdirəcəyik və bu barədə sizə mütləq məlumat verəcəyik. İdmançılarımızın rəqabət qabiliyyətinə gəldikdə isə ümid edirəm ki, yaxın illərdə beynəlxalq səviyyəyə çıxa biləcək yeni nəsil formalaşdırmışıq. Çünki bu il bütün legioner idmançılarla yollarımızı ayıraraq yerli kadrlara üstünlük verdik. Hazırda onları xarici mütəxəssislər hazırlayır. İnanıram ki, onların rəhbərliyi altında idmançılarımız yeni səviyyəyə yüksələcək və bizi uğurlu çıxışlarla sevindirəcəklər", - deyə Seymur Hüseynov bildirib.
