Oxu.az
"Fənərbağça" klubunun futbolçusu Serdar Aziz mövsümün sonunda karyerasını başa vuracağını açıqlayıb.
Oxu.Az "SporX"- ə istinadən xəbər verir ki, təcrübəli futbolçu transfer təklifləri gəlmədiyindən və "Fənərbağça"da əsas heyətə düşə bilmədiyindən karyerasını bitirəcək.
34 yaşlı müdafiəçi karyerası ərzində "Bursaspor" forması ilə 171, "Fənərbağça" forması ilə 135, "Qalatasaray" forması ilə isə 51 oyunda meydana çıxıb.
Ümumilikdə 357 dəfə forma geyinmək şansı olan Serdar Aziz 27 qol və 15 məhsuldar ötürmə ilə yadda qalıb.
"Qalatasaray" və "Bursaspor"la Türkiyə Superliqasının qalibi olan futbolçu bir dəfə Türkiyə Kubokunun, bir dəfə isə Türkiyə Superkubokunun qalibi olub.
