Idman.biz
Rusiyanın Yaroslavl vilayətinin Rıbinsk şəhərində mağazanın təhlükəsizlik kameraları tərəfindən qeydə alınan görüntülər sosial şəbəkələrdə geniş rezonans doğurub.
İdman.Biz xəbər verir ki, kadrlarda fitnes məşqçisinin gənc qadına fiziki zorakılıq göstərdiyi əks olunub.
Yerli sosial şəbəkə qruplarında yayılan məlumatlara görə, 33 yaşlı idmançı İvan B. guya 20 yaşlı qızın onunla birlikdə olan qadının qapıdan keçməsinə mane olmasına əsəbiləşib. Bundan sonra o, qızı təqib edib, saçından tutmağa cəhd göstərib və ardınca qarın nahiyəsindən güclü təpik vurub. Zərbənin təsirindən qız yıxılıb.
Hadisədən sonra məşqçinin çalışdığı idman-klubu operativ şəkildə açıqlama verərək onun artıq işdən azad edildiyini bildirib. Görüntülər hazırda polis tərəfindən araşdırılır.
Qedy edək ki, bir müddət əvvəl Rusiyanın Omsk şəhərində Ander A. adlı MMA idmançısı məişət zəminində Elvira adlı həyat yoldaşına xəsarət yetirmişdi.
