Idman.biz
Qazaxıstanın dağlıq ərazisində baş verən qar uçqunu nəticəsində bir alpinist həlak olub, daha iki nəfər isə itkin düşüb. İlkin ehtimala görə, alpinistlərdən ibarət qrup qar uçqununun təsirinə məruz qalıb.
İdman.Biz "Shot" "Telegram" kanalına istinadən məlumat verir ki, üç nəfərdən ibarət alpinist qrupu dekabrın 24-də Qazaxıstanın Almatı vilayətində yerləşən Tyan-Şan zirvəsinə yürüşə çıxıb. Dekabrın 26-na keçən gecə onlarla əlaqə tamamilə kəsilib. Bundan sonra alpinistlərin yaxınları Fövqəladə Hallar Nazirliyinə müraciət ediblər.
Axtarış-xilasetmə tədbirləri zamanı 3 700 metr yüksəklikdə bir turistin meyiti aşkar edilib və artıq aşağı endirilib. Digər iki alpinistin axtarışları isə davam etdirilir. Onların da qar uçqunu nəticəsində həlak ola biləcəyi ehtimalı yüksəkdir.
