Idman.biz
Yanvarın 29-da Gənclər və İdman Nazirliyinin təşəbbüsü, Azərbaycan Velosiped İdmanı Federasiyasının dəstəyi ilə Lənkəran Dövlət Universitetinin tələbələrinə velosipedlər hədiyyə edilib.
İdman.Biz bildirir ki, "Gənclər həftəsi"nə həsr olunmuş təqdimat mərasimində çıxış edən nazirlik və universitet nümayəndələri bu təşəbbüsün gənclər arasında fiziki aktivliyin artırılması və sağlam həyat tərzinin təbliği baxımından əhəmiyyətini vurğulayıblar.
Qeyd olunub ki, velosipedlərdən istifadə bu idman növünə marağın artmasına, tələbələrin asudə vaxtının səmərəli təşkilinə, eləcə də şəhər daxilində hərəkətdə ekoloji cəhətdən təmiz nəqliyyat vasitələrinə üstünlük verilməsinə töhfə verəcək.
