Idman.biz
Əksər insanlar astroloji proqnozların onların taleyinə sirayət etdikləri qənaətindədir. Tarixən ən məşhurlar belə mənsub olduqları bürcə görə günə necə başlayacağını tənzimləyiblər. Bütün sahələrdə olduğu kimi, bürclər idmançılar arasında da böyük maraq doğurur. Astroloqların təbirincə desək, bürclər bəzi ipuçları verir, nəticə çıxarmaq isə sizdən asılıdır.
İdman.biz-in təqdim etdiyi "İdman bürcü" müxtəlif idman növlərilə məşğul olan sağlam ruh sahiblərinin həftə ərzində necə hərəkət etmələrində bir növ mayak rolunu oynayacaq. Eyni zamanda, peşəkar idmançı olmasanız belə, "İdman bürcü"nü oxumaqla istirahətə və ya məşqə necə yanaşmağın istiqamətlərini görə biləcəksiniz.
Qoç
İşə diqqət etməlisiniz. Geri qayıtmağı və səhvləri düzəltməyi öyrənin. Başqalarının xırda nöqsanlarına qarşı daha səbrli olmaq məsləhətdir. Yeni faydalı məlumatlar gözləyin. Dostlar həftə sonu bəzi problemlərin öhdəsindən gəlməyə kömək edəcəklər. Boks, şahmat, stolüstü tennis və cüdo ilə məşğul olanlar üçün uğurlar qaçılmazdır.
Buğa
Davranışınızda hərəkətlər ardıcıllığının olmamasına imkan verməməyə çalışın, o zaman ətrafınızdakı atmosfer harmoniya qazanacaq və dinclik gətirəcək. Planları və ideyaları həyata keçirməyə başlamağın vaxtıdır. Dostların dəstəyinə ehtiyacınız ola bilər. Həftə sonu istənilən növ yaradıcılığa həsr etmək üçün əlverişli vaxtdır. Gimnastika, cüdo, güləş və karate ilə məşğul olanları şəxsi həyatları ilə bağlı xoş müjdələr gözləyir.
Əkizlər
Bir çox ideyaları reallaşdırmaq imkanı əldə edəcəksiniz və işdə ixtiraçılıq nümayiş etdirərək istədiyiniz hər şeyə nail olacaqsınız. İşlər sizdən məsuliyyətli və toparlanmış olmağı tələb edəcək. Həftə sonu münaqişə vəziyyətlərindən qaçın, onlar uzana və xoşagəlməz nəticələrə səbəb ola bilər. Güləş, basketbol, futzal və üzgüçülük idman növlərində uğurlar qazanmaq şansı böyükdür.
Xərçəng
Müsbət keyfiyyətlərinizi qiymətləndirin, həddən artıq utancaq olmayın və başqalarının onlara diqqət yetirməsinə icazə verin. İstər şəxsi, istərsə də peşəkar işlərdə dəyişikliklər istisna edilmir. Mübahisələrdə və münaqişələrdə iştirak etməməyə çalışın, problem öz-özünə həll olunacaq. Həftə sonu qonaqları qəbul etmək üçün əlverişlidir. Stolüstü tennis, basketbol, həndbol və voleybol növlərində uğurlar gözlənilir.
Şir
İstədiyiniz nəticəni əldə etmək üçün çox çalışmalı olacaqsınız. İntuisiyanzıın səsinə qulaq asın və yüksəliş şansınız olacaq. Ətrafınızda intriqalar fırlana bilər – diqqətli olun, münaqişələrdən qaçın. Həftə sonunu sevdikləriniz və dostlarınızla keçirmək daha yaxşıdır. Futzal, həndbol, güləş, voleybol və basketbol idman növlərində uğurlar vəd edilir.
Qız
Ən vacib işləri başa çatdırmaqla məşğul olun, gücünüzü xırda işlərə dağıtmayın. Rəhbərlərinizlə söhbət sizin üçün yeni imkanlar açmalıdır. Həddindən artıq gərginlikdən yaranan yorğunluq həftənin sonuna qədər nəzərə çarpacaq. Həftə sonu dostların yanına gedin, şən əhatədə dincəlmək şansınız olacaq. Voleybol, karate, şahmat və güləş idman növlərində bol-bol uğurlar vəd edilir.
Tərəzi
Hələlik işdə ciddi uğurlar olmayacaq. Gücünüzü daha obyektiv hesablayın və gücünüzdən kənar işlərə baş vurnmayın. Bəzi biznes tərəfdaşlarının etibarlılığını yoxlamaq da yaxşı fikirdir. Həftə sonu ailənizlə vaxt keçirməyə həsr edilməlidir. Gimnast, sambo, karate, güləş və şahmatçılar üçün düşərli həftədir.
Əqrəb
Axına qarşı üzməyə çalışmayın, o zaman fəaliyyətinizin nəticələrindən məyus olmaq məcburiyyətində qalmayacaqsınız. Yeni bir işə başlamağa tələsməyin, əvvəlcə heç bir səhv buraxmadığınıza və bütün keçmiş dərsləri nəzərə aldığınıza əmin olun. Həftə sonunda düşüncələrinizlə tək qalmaq üçün vaxt ayırın. Atletika, avarçəkmə, cüdo, güləş və atıcılıq növləri ilə məşğul olanlar üçün şanslı həftədir.
Oxatan
Çox işləri yaxşı bacaracaqsınız və hətta çox mürəkkəb görünən tapşırıqları da çox səy göstərmədən həll edəcəksiniz. Həftəni şəxsi həyatınızı nəzərə alaraq planlaşdırın, demək olar ki, bütün vaxtınızı işə ayırmamalısınız. Əzmkarlığınız və zəhmətiniz işdə müsbət qarşılanacaq və bu, karyerada irəliləməyə imkan verəcək. Həftə sonu yığılıb qalmış məişət problemlərinə diqqət yetirin. Cüdo, güləş, futbol və karate ilə məşğul olan idmançıların bəxti üzlərinə güləcək.
Oğlaq
Peşəkar dillə desək, düşüncələriniz tamam başqa istiqamətə yönəlsə də, zirvədə olmağınız lazım gələcək. Hərəkətlərinizdə inam və ardıcıllıq başqalarının rəğbətini qazanmağa və rəhbərlərlə yaxşı münasibətləri möhkəmləndirməyə kömək edəcək. Həftə sonu əvvəldən başladığınız bütün işlər uğurla başa çata bilər. Atsürmə, üzgüçülük, qaçış və güllə atıcılığı növlərində uğurlar bol olacaq.
Dolça
Başqalarını özünüzə maqnit kimi cəlb edəcəksiniz. Həyat sizi dözümlülük və müstəqillik üçün sınaqdan keçirə bilər, planlarınızı və onların həyata keçirilməsi şərtlərini birdən dəyişdirə bilər. İntuisiyanıza qulaq asın və mükafatlandırılacaqsınız. Həftə sonu ailə problemlərini həll etməyə çalışın. Cəhdiniz uğurlu alınacaq, sadəcə buna inanın. Basketbol, sambo, tennis, həndbol və voleybolçular üçün yaxşı başlanğıcdır.
Balıq
Vaxt itirmədən ideyalarınızı həyata keçirməyə başlamağın vaxtıdır. Vacib tədbirlər planlaşdırmamağınız məsləhətdir. Yaxınlarınızla münasibətdə daha dözümlü olmağa, emosiyalarınızı cilovlamağa çalışın. Sərf olunan enerjini bərpa etmək üçün həftə sonu yaxşı istirahət edin. Qaçış, velosiped, qılıncoynatma, avarçəkmə və atıcılıq idmanında nailiyyətlər gözlənilir.
İdman.biz
