Idman.biz
Əksər insanlar astroloji proqnozların onların taleyinə sirayət etdikləri qənaətindədir. Tarixən ən məşhurlar belə mənsub olduqları bürcə görə günə necə başlayacağını tənzimləyiblər. Bütün sahələrdə olduğu kimi, bürclər idmançılar arasında da böyük maraq doğurur. Astroloqların təbirincə desək, bürclər bəzi ipuçları verir, nəticə çıxarmaq isə sizdən asılıdır.
İdman.biz-in təqdim etdiyi "İdman bürcü" müxtəlif idman növlərilə məşğul olan sağlam ruh sahiblərinin həftə ərzində necə hərəkət etmələrində bir növ mayak rolunu oynayacaq. Eyni zamanda, peşəkar idmançı olmasanız belə, "İdman bürcü"nü oxumaqla istirahətə və ya məşqə necə yanaşmağın istiqamətlərini görə biləcəksiniz.
Qoç
Artan səmərəlilik və işgüzar fəaliyyət böyük nəticələr gətirməyəcək. Ancaq həftənin ikinci yarısında bəlkə də maliyyə vəziyyətini yaxşılaşdırmaq üçün yeni mənbələr ortaya çıxa bilər. Başqaları ilə münasibət qurmaq üçün güc tapın, mərhəmətli olun. Gimnastika, güləş, stolüstü tennis, cüdo və karate ilə məşğul olanları şəxsi həyatları ilə bağlı xoş müjdələr gözləyir.
Buğa
Tamamlanmış işləri təhlil etmək, yenilərini planlaşdırmaq üçün doğru zamandır. Səmimiyyət, şəxsi cazibə və enerjinin bolluğu yeni tanışlıqlar qurmağa, insanlar arasında parlamağınıza kömək edəcək. Niyyətlərinizi sağlam düşüncə ilə müşayiət edin. Dostlarınızın köməyinə arxalana bilərsiniz. Stolüstü tennis, həndbol, basketbol, voleybol və hokkey növlərində hədsiz uğurlar gözlənilir.
Əkizlər
Həftə planlar və ümidlərlə doludur, bəzilərinin gerçəkləşmə ehtimalı çox böyükdür. Sevdiyiniz bir insanla bərabər görəcəyiniz ev işləri sevinc gətirəcək. Dostlarla kiçik bir anlaşılmazlıq ola bilər. Təmiz havada gəzmək, fiziki məşqlər faydalıdır. Böyük alış-verişlər əlverişli olacaq. Basketbol, voleybol, həndbol, güləş, futzal və atıcılıq idman növlərində uğurlar vəd olunur.
Xərçəng
Nikbinsiniz, buna dəyər, bütüişləriniz uğurlu olacaq. Fikirlərinizi paylaşın, vacib işləri sonraya saxlamayın. Gündəlik işlərin icrasını xeyli asanlaşdıran bir şey fikirləşəcəksiniz. Ev hər kəsin gözəl atmosferdən zövq ala biləcəyi bir məkana çevriləcək. Boks, futbol, şahmat, stolüstü tennis və cüdo ilə məşğul olanlar üçün uğurlar qaçılmazdır.
Şir
Hər baxımdan uğurlu bir dövr olacaq. Təşəbbüs göstərin və yaxınlarınızın dəstəyindən vaz keçməyin. İndi köməyə və məsləhətə hər zamankından daha çox ehtiyacınız olacaq. Bütün köhnədən qalan yarımçıq işləri tamamlayın. Sizə müsbət təsir göstərəcək şad xəbərlər gözləyin. Güləş, cüdo, çövkən, atletika, avarçəkmə və atıcılıq növləri ilə məşğul olanlar üçün şanslı həftədir.
Qız
Əvvəllər heç vaxt görmədiyiniz gündəlik ev işlərinə hazır olun. Bir həftə gözlənilməz görüşlər və tanışlıqlar da ola bilər. Ruhi dinclik, rahatlıq və şübhələrin aradan qaldırılması üçün uyğun bir dövr olacaq. Ailənizə daha çox vaxt ayırın, birlikdə evdən kənarda gəzinti və ünsiyyət üçün bir fürsət tapın. Velosiped, qaçış, qılıncoynatma, güləş, avarçəkmə və atıcılıq idmanında nailiyyətlər qaçılmazdır.
Tərəzi
Vəziyyəti ayıq və hərtərəfli qiymətləndirirsiniz. Riskli təşəbbüslər, biznes əməliyyatları və alış-verişlər üçün əlverişli vaxtdır. Qadınları maraqlı bir görüş gözləyir, köhnə münasibətlərin yenilənməsi və ya yeni bir romantikanın başlanğıcı istisna deyil. Kişilər yarımçıq qalmış işləri tamamlamaq üçün fürsət axtaracaqlar. Sambo, güləş, avarçəkmə və gymnast növləri ilə məşğul olanların xoş müjdələr alacağı qaçılmazdır.
Əqrəb
Vacib bir iş görmək, məsələn, bir ev, yaxud bir bağ evi tikmək və ya ailə qurmaq qərarına gəlsəniz, bunu möhkəm və hərtərəfli düşünərək edin. İndiki cəhdləriniz uzun və xoşbəxt bir ömür üçün nəzərdə tutulub. Hədəflərinizə çatarkən başqalarını narazı salmamaq və həsəd yaratmamaq üçün nəzakətli və həssas olun. Şahmat, karate, üzgüçülük və güləş idman növlərində bol-bol uğurlar vəd edilir.
Oxatan
Hərəkətli olmaq üçün yaxşı bir dövrdür. Hər şey rəvan gedəcək, hər şey yoluna düşəcək - həm işdə, həm də evdə. Subaysınızsa, bu həftə çoxdan gözlədiyiniz can yoldaşınızla görüşə bilmə ehtimalı var. Küsülü olanlar bu həftə barışa bilərlər. Karate, basketbol, güləş, minifutbol və futzal idman növlərində uğurlar qazanmaq şansı böyükdür.
Oğlaq
Uğur sizin tərəfinizdədir. Həftənin əvvəlində şəxsi həyat və iş fəaliyyətində gözlənilməz müsbət dəyişikliklər mümkündür. Çox güman ki, indi başqaları ilə razılığa gələcəksiniz, ürəyiniz rahat olacaq. Bu həftə quracağınız xəyallar sonradan gerçəklik ola bilər. Futbol, üzgüçülük, cüdo, güləş və karate ilə məşğul olan idmançıların bəxti üzlərinə güləcək.
Dolça
Bu həftə zirvədə olacaqsınız. Diqqəti özünüzə cəlb edəcəksiniz, rəğbət oyadacaqsınız, ətrafdakı insanları sizə xidmətlər və kömək təklif etməyə məcbur edəcəksiniz. Düşündüyünüz bütün ideyalar uğur qazanacaq. Hədiyyə, uduş və ya mükafat almaq ehtimalınız var. Şəxsi həyatda münasibətlər yaxşılaşacaq. Cüdo, basketbol, tennis, sambo, həndbol və voleybolçular üçün yaxşı başlanğıc olacaq.
Balıq
Həftə dəyişiklikləri, həyatda yeni bir dövrü təcəssüm etdirir. İndi hər zamankından daha ciddi və məsuliyyətli olacaqsınız. Özünüzə, çevrənizdəki insanlara və ətrafınızda baş verənlərə obyektiv qiymət verməyə çalışın. Gələcəyinizin rifahı bundan asılıdır. Atçılıq, qaçış, üzgüçülük, otüstü hokkey, voleybol və güləş növlərində uğurlar gözləniləndir.
İdman.biz
