Idman.biz
Dekabrın 6-da Azərbaycanın gənclər və idman naziri Fərid Qayıbov Bakıda D-8 ölkələrinin Gənclər Dialoqunun xüsusi qonağı olan Somalinin gənclər və idman naziri Mohamed Abdulkadiri qəbul edib.
İdman.Biz xəbər verir ki, bu barədə Azərbaycan Respublikasının Gənclər və İdman Nazirliyi məlumat yayıb.
Görüş zamanı iki ölkə arasında gənclər siyasəti və idman sahəsində əməkdaşlığın genişləndirilməsi imkanları müzakirə olunub.
12:28
"Azərbaycan Prezidenti İlham Əliyevin rəhbərliyi altında Azərbaycanda uğurlu gənclər siyasəti həyata keçirilir. Bu da ümummilli lider Heydər Əliyevin siyasətinin davamıdır".
İdman.Biz xəbər verir ki, bunu D-8 Gənclər Dialoqunda çıxış edən Azərbaycanın gənclər və idman naziri Fərid Qayıbov deyib.
Ölkəmizdə həyata keçirilən gənclərin inkişafı istiqamətində atılan addımlardan bəhs edən nazir bildirib:
"Ölkəmizdə çoxsaylı gənclər mərkəzi yaradılıb, müxtəlif gənclər təşkilatı fəaliyyət göstərir. Beynəlxalq gənclər təşkilatlarında da aktivliyimiz var. Bu il müxtəlif beynəlxalq tədbirlər təşkil etmişik. Növbəti il də biz BMT tərəfindən dəstəklənən böyük tədbirlər keçirəcəyik. Bu, bizim üçün çox böyük imkandır. Gənclər tərəfindən olan təşəbbüsləri, COP29 ətrafında olan ideyaları bu vasitə ilə birləşdirir və uzlaşdırırıq. Gənclərin böyük enerjisi var. Əminəm ki, D-8 Gənclər Dialoqunda da gənclər aktiv iştirak edəcəklər".
