Oxu.az
Futbol üzrə Fransa millisi 2026-cı il dünya çempionatının seçmə mərhələsində Azərbaycana qarşı keçiriləcək D qrupunun oyunlarına yeni baş məşqçi ilə çıxa bilər.
Oxu.Az "Goal" nəşrinə istinadən xəbər verir ki, Braziliya millisinin yeni baş məşqçisi vəzifəsinə Fransa yığmasının hazırkı baş məşqçisi Didye Deşam təklif olunub.
Hazırda 56 yaşlı mütəxəssislə Braziliya Futbol Konfederasiyasının nümayəndələri arasında danışıqlar ilkin mərhələdədir və Deşamın Fransa ilə 2026-cı ilin yayına qədər müqaviləsi olsa da, o, Fransa Futbol Federasiyası ilə müqaviləsi bitmədən Braziliyaya keçə bilər.
Xatırladaq ki, Azərbaycan və Fransa milliləri arasındakı oyunlar oktyabrın 10-da və noyabrın 16-da keçiriləcək.
