Sport24.az
"Mançester Yunayted" və İngiltərə millisinin keçmiş yarımmüdafiəçisi Devid Bekhemin böyük oğlu Bruklin Bekhem, valideynləri ilə uzun müddətdir davam edən mübahisə fonunda sosial mediada onları sərt tənqid edib. Sport24.az xəbər verir ki, Devid və Viktoriyanın 26 yaşlı böyük oğlu ailəsi ilə barışmaqdan imtina etdiyini və həyatında ilk dəfə hüquqlarını müdafiə etdiyini bildirən açıqlama yayıb:
"İllərdir susmuşam və bu məsələləri gizli saxlamaq üçün əlimdən gələni etmişəm. Təəssüf ki, valideynlərim və onların ətrafı bunu mətbuatda yayımlamağa davam edir. Bu səbəbdən özüm barədə həqiqəti deməkdən başqa çarəm qalmayıb. Ailəmlə barışmaqdan imtina edirəm. Sərbəstəm və həyatımda ilk dəfə hüquqlarım uğrunda mübarizə aparıram. Sosial mediada nümayişkaranə paylaşımlar, ailə tədbirləri və qeyri-səmimi münasibətlər doğulduğum həyatımın ayrılmaz hissəsi olub".
O, həmçinin atasını tənqid edərək, Devidin 50 illik yubileyini qeyd etmək üçün Böyük Britaniyaya gəldiyini vurğulayıb. Ancaq ona bildirilib ki, həyat yoldaşı Nikola Peltsin qatılmayacağı təqdirdə tədbirdə iştirak edə bilər.
Qeyd edək ki, bir müddət əvvəl Bruklinin valideynlərini sosial mediada blokladığı xəbəri yayılmışdı. Çünki valideynlərinin onun həyat yoldaşı ilə münasibətləri ictimai müzakirələrə səbəb olub. Bekhem kiçik həmçinin valideynlərini onunla yalnız vəkillər vasitəsilə ünsiyyət qurmağa çağırıb.
