Idman.biz
Amerikalı motosikletçi Riki Brabek "Dakar" ralli-marafonunda motosikletlər üzrə ümumi qələbəni qeyri-adi hadisə səbəbindən əldən verib.
İdman.Biz xəbər verir ki, Brabek final mərhələsi ərəfəsində argentinalı Lusiano Benavidesi 3 dəqiqə 20 saniyə qabaqlayaraq ümumi hesabda lider olub. Lakin yarışın 13-cü mərhələsində gözlənilməz problemlə üzləşib.
Belə ki, trasda qarşısına çıxan dəvə sürüsü amerikalı idmançının hərəkətini məhdudlaşdırıb. Bundan əlavə, məsafənin son kilometrlərində Brabek naviqasiya xətasına yol verib.
Nəticədə Benavides rəqibini cəmi iki saniyə fərqlə qabaqlayaraq çempionluğa yiyələnib. Bu fərq "Dakar" ralli-marafonunun tarixində qeydə alınan ən minimal üstünlük kimi yadda qalıb.
Qeyd edək ki, yarışlar Səudiyyə Ərəbistanı ərazisində keçirilib.
