Idman.biz
Braziliyada tanınmış bodibildinqçi Ranyeri Filyo yarışlara hazırlıq zamanı ağır zədə alıb.
İdman.Biz xəbər verir ki, idmançı təxminən 400 kiloqram çəki ilə ayaq presi hərəkətini yerinə yetirərkən bud əzələsinin vətəri qoparıb.
Güclü ağrı səbəbindən Filyonun ah-naləsi bütün zalı bürüyüb.
Hadisədən sonra o, təcili tibbi yardımla xəstəxanaya yerləşdirilib və əməliyyat olunub. Mütəxəssislərin sözlərinə görə, idmançını uzun və çətin bərpa prosesi gözləyir.
