Idman.biz
Kapoeyra üzrə keçirilən beynəlxalq konfrans çərçivəsində Ümumdünya Kapoeyra Federasiyasının (WCF) növbəti dövr üçün idarəetmə orqanları formalaşdırılıb.
İdman.Biz xəbər verir ki, seçkilərdə ABŞ, Azərbaycan, Braziliya, Finlandiya, Estoniya, Peru, Benin və Honq Konq kimi ölkə və qitələri təmsil edən namizədlər iştirak ediblər.
Səsvermənin nəticələrinə əsasən, Azərbaycan Kapoeyra Federasiyasının nümayəndələri WCF-də mühüm vəzifələrə seçiliblər. Belə ki, Cəmil Hüseynov Ümumdünya Kapoeyra Federasiyasının Birinci vitse-prezidenti, Elgiz Əlizadə isə Baş katib və İdarə Heyətinin üzvü olub.
Seçkilərin yekununa əsasən, Ümumdünya Kapoeyra Federasiyasının (WCF) Prezidenti vəzifəsinə ABŞ-dən olan Rodrigo Furbino Gomes seçilib. Yeni Prezident federasiyanın növbəti dövr üzrə fəaliyyətinə rəhbərlik edəcək və WCF-nin beynəlxalq inkişaf strategiyasının icrasında əsas rol oynayacaq.
