Idman.biz
Dubayda tarixdə ilk dəfə, tetris dünya çempionatı keçirilib və bu yarışda Azərbaycan nümayəndəsi də iştirak edib.
İdman.Biz-in məlumatına görə, "Red Bull" dünya turnirinin finalı unikal formatda təşkil olunub: oyun ekranı məşhur Dubay Çərçivəsi ("Dubai Frame") ölçüləri 150x93 metr olmaqla xidmət edib, fiqurlar isə işıqlandırması dəyişən təxminən 4000 dron vasitəsilə formalaşdırılıb.
Azərbaycanı dünya finalında milli mərhələdə qalib olmuş Elnur Cəlilov təmsil edib və o, ilin ən texnoloji və vizual cəhətdən cəlbedici idman şoularından birinin iştirakçısı olub.
Dünya finalından əvvəl seçmə mərhələlərdə və milli finallarda ümumilikdə 60 ölkədə 7 milyondan çox oyun keçirilib.
10 dəqiqəlik qrand-finalda qələbəni Türkiyədən olan 19 yaşlı tələbə Fəhmi Atalar qazanıb və o, Peru nümayəndəsi Leo Solorsano üzərində üstünlük əldə edib.
Teymur Tuşiyev
