Idman.biz
Tacikistanın paytaxtı Düşənbədə keçirilən cüdo üzrə Böyük Dəbilqə turnirində Azərbaycan idmançıları uğurlu çıxışlarını davam etdirirlər. Ağır çəki dərəcəsində mübarizə aparan hər iki təmsilçimiz rəqiblərinə şans verməyərək yarımfinal mərhələsinə vəsiqə qazanıblar.
İdman.Biz xəbər verir ki, 100 kiloqramdan yuxarı çəki dərəcəsində çıxış edən Uşanqi Kokauri ardıcıl qələbələrlə diqqət çəkib. O, əvvəlcə iranlı, daha sonra isə Rumıniya təmsilçisini ipponla məğlub edərək adını ən güclü dördliyin siyahısına yazdırıb.
Eyni çəki dərəcəsində yer alan digər cüdoçumuz Camal Qamzatxanov da rəqibləri üçün keçilməz olub. O, ilk görüşündə monteneqrolu Yovan Pekoviçi ipponla üstələyib. Növbəti qarşılaşmada da tam üstünlüklə qələbə qazanan Qamzatxanov ikinci yarımfinalçımız olub.
09:34
Tacikistanın paytaxtı Düşənbədə keçirilən cüdo üzrə Böyük Dəbilqə turnirinin son günündə Azərbaycanın daha iki idmançısı qüvvəsini sınayacaq.
İdman.Biz xəbər verir ki, yarışın üçüncü günündə ağır çəkili cüdoçularımız mübarizəyə qoşulacaqlar.
Kişilərin yarışında, 100 kiloqramdan yuxarı çəki dərəcəsində Uşanqi Kokauri səkkizdəbir final mərhələsində İran təmsilçisi Mohammadpuria Banaeyan Tolki ilə qarşılaşacaq. Eyni çəki dərəcəsində çıxış edən digər idmançımız Camal Qamzatxanov isə növbəti mərhələyə yüksəlmək üçün Yovan Pekoviç ilə üz-üzə gələcək.
