Idman.biz
Azərbaycan Cüdo Federasiyası və Azərbaycan İdman Akademiyasının birgə təşkil etdiyi məşqçilərin sertifikatlaşdırılması proqramı davam edir.
İdman.Biz xəbər verir ki, iki mərhələdən ibarət proqramın nəzəri hissəsi başa çatıb və imtahandan uğurla keçən məşqçilər praktiki hazırlıq mərhələsinə buraxılıblar.
Beş gün davam edən praktiki mərhələdə iştirakçılar məşq prosesinin təşkili, təhlükəsiz texnikaların tətbiqi, məşq planlaşdırılması və idmançı ilə düzgün kommunikasiya üzrə bilik və bacarıqlar qazanırlar. Təlimləri federasiyanın təcrübəli mütəxəssisləri aparır.
Hər iki mərhələni uğurla başa vuran məşqçilərə Azərbaycan İdman Akademiyası və Azərbaycan Cüdo Federasiyasının birgə peşəkar sertifikatı təqdim ediləcək. Program, ölkədə cüdo üzrə məşqçilik fəaliyyətinin vahid standartlara uyğunlaşdırılmasını hədəfləyir.
