Azərbaycan Voleybol Federasiyasının Kommunikasiya şöbəsinin Beynəlxalq əlaqələr üzrə mütəxəssisi Mixail Frişman Avropa Voleybol Konfederasiyası tərəfindən (CEV) növbəti dəfə təyinat alıb.
İdman.biz xəbər verir ki, Frişman qadın voleybolçular arasında (U-22) 2026 Avropa Çempionatının təsnifat mərhələsinin oyunlarında iştirak edəcək.
O, iyulun 4-6-da Latviyada baş tutacaq B qrupunun oyunlarında supervayzer kimi hakimlərin işinə qiymət verəcək.
Qeyd edək ki, burada ev sahibi ilə yanaşı, Danimarka və Ukrayna komandaları mübarizə aparacaqlar.
İdman.biz