Idman.biz
Çimərlik voleybolu üzrə qadın və kişilər arasında Azərbaycan çempionatının püşkatma mərasimi keçirilib.
İdman.biz xəbər verir ki, Bakı Su İdmanı Sarayında təşkil olunan tədbirdə Azərbaycan Voleybol Federasiyasının icraçı direktoru Vüqar Hüseynzadə, çimərlik voleybolu üzrə milli komandaların meneceri Orxan Hüseynzadə və klubların nümayəndələri iştirak ediblər.
Yarışda 12 qadın ("Azərreyl-1", "Azərreyl-2", "Azərreyl-3", "Xarı Bülbül-1", "Xarı Bülbül-2", "Gəncə-1", "Gəncə-2", "Milli Aviasiya Akademiyası-1", "Milli Aviasiya Akademiyası-2", "Milli-1", "Milli-2", "Milli-3") və 11 kişi ("Azərreyl-1", "Azərreyl-2", "Azərreyl-3", "Murov Az Terminal-1", "Murov Az Terminal-2", "Murov Az Terminal-3", "Murov Az Terminal-4", "Xarı Bülbül-1", "Xarı Bülbül-2", "Xilasedici-1", "Xilasedici-2") klubu iştirak edəcək.
Çempionat Avropa Voleybol Konfederasiyası (CEV) tərəfindən keçirilən klublararası Avropa çempionatının qaydalarına uyğun təşkil olunacaq. Yarışın qalibi olacaq komanda klublararası Avropa çempionatında iştirak hüququ qazanacaq.
Qeyd edək ki, yarış iyulun 21-25-də keçiriləcək.
İdman.biz
