Idman.biz
Yunanıstanın Rodos adasında şahmat üzrə klublararası Avropa kuboku davam edir.
İdman.Biz-in məlumatına görə, Rauf Məmmədov, Aydın Süleymanlı, Əhməd Əhmədzadə, Read Səmədov, Vüqar Manafov, Xəzər Babazadə və qazaxıstanlı Noqerbek Kazıbekin yer aldığı Azərbaycanın "Vüqar Həşimov" klubu Niderlanın "LSG Leiden" komandasına 5:1 hesabı ilə qalib gələrək 3-cü pillədə qərarlaşıb.
Şəhriyar Məmmədyarov yer aldığı Türkiyənin "Beyegan Pendik" klubu hələ ki, ən yaxşı nəticəni göstərib – Məmmədyarovun komandası liderdir. Xaqan Əhmədin komandası "Türk Hava Yolları" isə yeddinci yerdədir.
Bundan başqa, qadınların turnirində Gövhər Beydullayevanın çıxış etdiyi Serbiyanın "Sirmium Sremska Mitrovica" klubu da ən çox xalla başçılıq edir, Ülviyyə Fətəliyevanın çıxış etdiyi Rumıniya "Superchess"i isə 5 xalla dördüncüdür.
Müsabiqə İsveçrə sistemi ilə keçirilir və oktyabrın 25-dək davam edəcək.
