Idman.biz
Yunanıstanın Rodos adasında şahmat üzrə klublararası Avropa kuboku davam edir.
İdman.Biz-in məlumatına görə, ikinci turda Rauf Məmmədov, Aydın Süleymanlı, Əhməd Əhmədzadə, Read Səmədov,
Vüqar Manafov, Xəzər Babazadə və qazaxıstanlı Noqerbek Kazıbekin yer aldığı Azərbaycan klubu "Vüqar Həşimov" İsveçin "Lunds ASK" komandasına 5:1 hesabı ilə qalib gəlib.
Bu qələbə ilə komandanın dörd xalı var və ilk onluğa yüksəlib. Şəhriyar Məmmədyarov və Xaqan Əhmədin yer aldığı Türkiyənin "Beyeqan Pendik" və "Türk Hava Yolları" klubları da turnirdə ikinci qələbəsini qazanıb.
Gövhər Beydullayevanın heyətində oynadığı Serbiyanın "Sirmium Sremska Mitrovica" komandası ilə Ülviyyə Fətəliyevanın çıxış etdiyi Rumıniyanın "Superchess" komandası hələ də məğlubiyyətsizdir.
Turnir İsveçrə sistemi ilə keçirilir və oktyabrın 25-də başa çatacaq.
