Idman.biz
Azərbaycan şahmatçısı Ülviyyə Fətəliyeva Səmərqənddə (Özbəkistan) ümumi mükafat fondu 855 min dollar olan nüfuzlu "Grand Swiss" turnirinin lideridir.
İdman.biz xəbər verir ki, qadınlar arasında turnirin beşinci turunda Fətəliyeva keçmiş dünya çempionu Aleksandra Kostenyuka (İsveçrə) qaralarla qalib gəlib və 5 mümkün xaldan 4 xal toplayıb. Bu nəticə ona birinci yeri tutmağa imkan verib.
Eyni zamanda, Xanım Balacayeva Stavrula Tsolakidu ilə heç-heçə edib və 3 xalla 12-ci yerdədir. Gövhər Beydullayeva Lu Miaoyiyə uduzub və 1,5 xalla 47-ci yerdədir.
Açıq turnirdə Şəhriyar Məmmədyarov Salem Salehi məğlub edib. O, 3,5 xalla 13-cü yerdədir.
Rauf Məmmədov Jül Mussara qalib gəlib və 3 xalı var ki, bu da 40-cı yerə uyğundur. Aydın Süleymanlı Amin Tabatabaiyə uduzaraq 2,5 xalla 47-ci yeri tutur. Məhəmməd Muradlı Abdimalik Abdisəlimova uduzub və 1 xalla 114-cü yeri tutur.
İdman.biz
