Idman.biz
Şahmat Federasiyası şahmatçılara göstərilən yüksək diqqət və qayğıya görə Azərbaycan Respublikasının Prezidenti, Milli Olimpiya Komitəsinin rəhbəri İlham Əliyevə təşəkkür məktubu ünvanlayıb.
İdman.Biz xəbər verir ki, məktubda deyilir:
"Hörmətli cənab Prezident!
Cari ilin sonunda Azərbaycan şahmat ailəsinin iki üzvünə fəxri ad, daha bir şahmatçını mənzillə mükafatlandırmağınız ölkədə idmana, xüsusilə şahmata və şahmatçılara göstərilən yüksək diqqət və qayğı kimi qiymətləndiririk.
Bu mükafat Azərbaycan şahmatına verilən yüksək dəyərlə yanaşı, eyni zamanda böyük stimuldur. Dövlət və şəxsən Sizin tərəfinizdən göstərilən diqqət idmançıları daha çox çalışmağa sövq edir.
Azərbaycan şahmat ailəsi, şahmatçılar, məşqçilər adından Sizə göstərilən yüksək diqqət və qayğıya görə təşəkkür edir və növbəti illərdə də etimadınızı doğrultmağa çalışacağımızı bildiririk.
Fürsətdən istifadə edərək, Sizi və ailənizi Yeni il və Dünya Azərbaycanlılarının Həmrəylik Günü münasibətiylə təbrik edir, möhkəm can sağlığı arzulayır, Azərbaycan dövlətinin daha da inkişafı naminə yorulmaz fəaliyyətinizdə davamlı uğurlar diləyirik".
