Idman.biz
Sabah Londonda İsveçrə sistemi üzrə 12 turdan ibarət rapid üzrə dünya çempionatı start götürəcək.
İdman.biz xəbər verir ki, yarışda 53 komanda mübarizə aparacaq.
144 qrossmeyster arasında Azərbaycan təmsilçisi Rauf Məmmədov da var.
O, "Freedom" komandasının heyətində yer alıb. Buraya Vişvanatan Anand (Hindistan), Le Kuanq Liom (Vyetnam), Anna Muzıçuk (Ukrayna) və digərləri daxildir, kapitan isə Emil Sutovskidir.
Rapid üzrə dünya çempionatı iyunun 11-13-də, daha sonra - iyunun 14-15-də isə blits üzrə dünya çempionatı keçiriləcək. İlkin olaraq iştirakçılar dörd qrupa bölünəcək, daha sonra ən güclü 16 komanda kubok sistemi üzrə mübarizə aparacaq.
İdman.biz
