Idman.biz
Azərbaycanın aparıcı qadın şahmatçılarından biri - Günay Məmmədzadənin qarşıdan gələn Avropa çempionatında niyə iştirak etməyəcəyi məlum olub.
Azərbaycan Şahmat Federasiyasının mətbuat xidmətindən İdman.biz-ə verilən məlumatda bildirilir ki, G.Məmmədzadə bu yaxınlarda ana olub və bu səbəbdən qarşıdan gələn qitə birinciliyinə hazırlaşa bilməyib.
Məlumatda həmçinin qeyd olunur ki, Günay Məmmədzadə millidə Ayan Allahverdiyevanı əvəzləyib.
Xatırladaq ki, Günay Məmmədzadə (2390 xalla) uzun müddətdir ki, Azərbaycan şahmatçıları arasında ən yüksək reytinqə malik olub və yalnız bu yaxınlarda liderliyini Ülviyyə Fətəliyevaya verib.
Ü.Fətəliyevanın 6-cı yeri tutduğu Özbəkistanın Səmərqənd şəhərində keçirilən "Grand Swiss" turnirində uğurlu çıxışı sayəsində onun hazırkı reytinqi 2410-dur. A.Məmmədzadənin analıq məzuniyyətindən sonra aktiv şahmat praktikasına qayıdacağı gözlənilir.
Oktyabrın 5-də Gürcüstanın Batumi şəhərində start götürəcək komandalararası Avropa çempionatında qadınlardan ibarət Azərbaycan yığmasının heyətində Ülviyyə Fətəliyeva, Xanım Balacayeva, Gövhər Beydullayeva, Gülnar Məmmədova və Ayan Allahverdiyeva çıxış edəcəklər.
Teymur Tuşiyev
