Idman.biz
FİDE iyunun 10-dan 16-dək Londonda sürətli və blits üzrə keçiriləcək dünya çempionatında 60 komandanın iştirakını təsdiqləyib.
İdman.biz xəbər verir ki, yarışda "Freedom" komandasını təmsil edən azərbaycanlı qrossmeyster Rauf Məmmədov da mübarizə aparacaq.
Azərbaycanlı şahmatçı ilə eyni heyətdə Vişvanatan Anand (Hindistan), Le Kuanq Liom (Vyetnam), Anna Muzıçuk (Ukrayna) və başqaları da yer alacaq.
WR Chess reytinq favoriti hesab olunur. Ötən il isə çempionata Maqnus Karlsen rəhbərlik edib.
Qeyd edək ki, turnirə, həmçinin Alireza Firuzja, Maksim Vaşye-Laqrav (hər ikisi Fransa), Hikaru Nakamura, Uesli So (hər ikisi ABŞ), Yan-Kşiştof Duda (Polşa), Hou Yifan (Çin) və Aleksandra Kostenyuk (İsveçrə) kimi zəka sahibləri də qatılacaq.
İdman.biz
