Idman.biz
FIDE prezidenti Arkadi Dvorkoviç təşkilatın amerikalı şahmatçı Daniel Naroditskinin xatirəsinə xüsusi mükafat təsis edəcəyini açıqlayıb.
İdman.Biz xəbər verir ki, oktyabrın 20-də amerikalı qrossmeyster və tanınmış şahmat şərhçilərindən biri Daniel Naroditski 29 yaşında qəflətən vəfat edib.
"Dəhşətli, faciəli xəbərdir – mən hələ də hamımızın dünən xəbər tutdğumuz xəbərə inana bilmirəm...
Daniel (və o, hər zaman qəlbimizdə Danya olaraq qalacaq) təkcə parlaq qrossmeyster deyil, həm də şahmatın yorulmaz səfiri və hər şeydən əvvəl xeyirxah, mərhəmətli və həqiqətən yaxşı insan idi.
Biz onu həmişə xatırlayacağıq. FIDE qrossmeyster Naroditskinin xatirəsinə və onun şahmat dünyasına verdiyi töhfəyə görə xüsusi mükafat təsis edəcək", - Dvorkoviç sosial şəbəkədə yazıb.
