Sport24.az
Bu gün kişi şahmatçılardan ibarət Azərbaycan millisi Batumidə (Gürcüstan) təşkil olunan komandalararası Avropa çempionatında həlledici görüşünü keçiriəcək. Sport24.az xəbər verir ki, yığmamız son turda Serbiya ilə üz-üzə gələcək.
Şəhriyar Məmmədyarov, Rauf Məmmədov, Aydın Süleymanlı, Məhəmməd Muradlı və Eltac Səfərlidən ibarət kollektiv 8 turdan sonra 13 xalla Ukrayna millisi ilə birgə liderliyi bölüşür. Yığma bu gün qələbə qazansa, dördüncü çempionluğunu rəsmiləşdirəcək.
Qeyd edək ki, Azərbaycanın kişilərdən ibarət yığma komandası 2009, 2013 və 2017-ci illərdə qitə çempionu adını qazanıb.
