Report.az
Argentinanın Rio-Sebalyos şəhərində dünyanın ən böyük şahmat fiquru hazırlanıb.
"Report" xəbər verir ki, bu barədə FIDE-nin rəsmi saytı məlumat yayıb.
Şəhərin mərkəzində ucaldılan və 7,62 metr hündürlüyə malik, dəmirdən hazırlanmış fiqur Ginnesin Rekordlar Kitabı tərəfindən rəsmi şəkildə tanınması üçün təqdim olunub.
Layihə özəl olaraq iş adamlarından biri tərəfindən maliyyələşdirilib və fiqur Rio-Sebalyosun mərkəzində yerləşən Şahmat Məktəbinin qarşısında quraşdırılıb.
Qeyd edək ki, buna qədər ən hündür fiqur ABŞ-nin Missuri ştatının Sent-Luis şəhərində yerləşirdi. Taxtadan hazırlanmış "Şah" fiquru 6,09 hündürlüyə malikdir.
