Idman.biz
Azərbaycanlı idmançılar Almaniyanın Reyn-Rur bölgəsində keçirilən Universiadada mübarizəyə başlayıblar.
İdman.biz xəbər verir ki, bu gün bədii gimnastika, qılıncoynatma, badminton, stolüstü tennis, tennis və üzgüçülük üzrə yarışlar start götürür.
Üzgüçülük proqramında Fətimə Alkərəmova 50 metr məsafəyə batterflay üsulu ilə üzüb. O iştirak etdiyi yarışda ikinci nəticəni göstərib. Lakin yekun göstərici bütün iştirakçıların çıxışları tamamlandıqdan sonra məlum olacaq.
Əbdürəhman Rüstəmov və Ramil Vəlizadə də 50 metr məsafəyə batterflay üsulu ilə çıxış edəcəklər. Səid Həmidov isə 100 metr məsafəni arxası üstə üzəcək. Bundan əlavə, kişilər arasında 4x100 metr sərbəst üsulla estafet yarışı da keçiriləcək.
Qılıncoynatma yarışlarında da idmançılarımız qrup mərhələsində döyüşlərə çıxıblar. Qadınlar arasında şpaqa növündə Aynur Quliyeva, Nəzilə Rəhimova və Xədicə Həsənli artıq ilk qarşılaşmalarını keçiriblər. Kişilər arasında isə sablya növündə Məqsud Hüseynli, Saleh Məmmədov və Murad Əkpərov mübarizə aparacaqlar.
İdman.biz
