Idman.biz
Almaniyanın Reyn-Rur regionunda keçirilən Universiadada kamandan oxatma yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün qarışıq komanda yarışları keçiriləcək.
Azərbaycanı bu mərhələdə Fatimə Hüseynli və Məmədağa Əliyev təmsil edəcəklər. Onlar Böyük Britaniyanın oxatanları ilə qarşılaşacaqlar.
Bundan əvvəl Məmədağa Əliyev fərdi yarışda bir mərhələ keçərək Ukrayna təmsilçisini məğlub etmiş, lakin növbəti raundda Hindistan nümayəndəsinə uduzmuşdu.
Fatimə Hüseynli isə ilk təsnifat mərhələsində özbəkistanlı idmançıya məğlub olmuşdu.
Zəki Feyzullayev
İdman.biz
