Idman.biz
Almaniyanın Reyn-Rur bölgəsində keçirilən Universiadada 55 ölkə təmsilçiləri medal qazanıb.
İdman.biz xəbər verir ki, medal cədvəlində sonuncu yerləri Avstriya, Kolumbiya, Meksika və Monqolustan bölüşüblər – bu ölkələrin hər biri yalnız bir bürünc medal əldə edib.
Azərbaycan komandası isə yarışlarda iki qızıl və iki gümüş medal qazanaraq 24-cü yeri tutub. Bədii gimnastika üzrə qrup hərəkətləri komandası – Ləman Əlimuradova, Güllü Ağalarzadə, Darya Sorokina, Kamilə Əliyeva və Yelizaveta Luzan iki yarışda qalib gəlib, bir dəfə isə ikinci olub. Digər gümüş medalı isə cüdoçu Eldcan Hacıyev (90 kq) qazanıb.
Medal sıralamasında birinci yerdə Yaponiya (34 qızıl, 21 gümüş, 24 bürünc) qərarlaşıb, Çin ikinci (30-27-17), ABŞ isə üçüncü (28-27-29) olub.
İdman.biz
